Mei Hem

Noh viele Johre, es war gar lang,
Sin ich wieder Hem mol gang.
Hem ins Banat, a weiti Streck,
Gar lang bin ich vun dort schun weg.

Kummt me awer in sei Ort,
Heert mer gar ke trautes Wort.
Alles schaut jetz anerscht aus,
Wann mer steht vorm Elternhaus.

Die Heiser noch wie frieher sin,
Doch sin jetz anri Leit do drin,
Uf die Bank do vor em Tor,
Han ich mich hingsitzt wie zuvor.

Ke Nochbersleit, ke Freind is do,
Die Gasse leer un fremd, un so
Sitz ich alleenich un denk noh,
Wie war ich doch als Kind so froh.

Wie ich do rin un raus bin g´rennt,
Wie ich des alles mei Hem genennt.
Mei Motter hat mer khal die Hand
Un ich han khat a feschte Stand.

Do han ich oft gekrisch,gelacht,
Un mei erschti Schritt gemacht.
Do han ich g´lernt mei erscht Gebet,
Bevor ich mich zur Ruh geleet.

Des war mei Hem, des is wohr,
Un´s wird mer jetz so richtig klor.
Wer weeß ob ich es nochmol g´sieh
Vergesse awer, wer ich´s nie.

Marie Fricko, geb. Altmayer